مەودا میدیا-

نەخۆشخانەی گشتی بلی لە دەڤەری بارزان  رایدەگەیەنێت دوای ئەوەی كەسێك وەك ھەڵگری ڤایرۆسی كۆرۆنا لە سنووری ناحیەی بلێی قەزای مێرگەسۆر دەستنیشان كرا، پشكنین بۆ نزیكەی 2 ھەزار كەسی دیكە كراوە و ھەموو پشكنینەكان نێگەتیڤ دەرچوون و كەسیان ھەڵگری ڤایرۆسی كۆرۆنا نین.

لە راگەیەندراوێكدا نەخۆشخانەی گشتی بلێ رایگەیاند "پاش دەستنیشانکردنی یەکەم تووشبووی كۆرۆنا لە نەخۆشخانەکەماندا لە رێکەوتی 24/5/2020 واتە یەکەم روژی جەژنی رەمەزان، لەبەرئەوەی ھاووڵاتییەکە سەرەدانی یەکێک لە گوندەکانی دەڤەرەکەمانی کردبوو، بووە ھۆی ئەوەی کە ھەریەک لە گوندەکانی ھوستان و رێشە و ھەسنەکا، کە دانیشتووانەکانیان بە بەرکەوتوو ئەژمار کران و لە ھەمان شەودا کەرەنین کران".

ئەوەش خراوەتەڕوو "لە ھەڵمەتێکی بەرفراوانی گەڕان و پشکنین و دۆزینەوەی بەرکەوتواندا، بە بەشداری دەیان تیمی راھێنراو بە بەشداری و سەرپەرشتی بەڕێوەبەر و زورێک لە سەرۆک بەشەکان و پزیشک و ستافی نەخۆشخانەکەمان لە ماوەی چەندین روژی بێ پچڕان و لە سەریەک بە تایبەت لە سەرەتا رۆژەکانی کەرەنتین و دوا روژەکانیدا توانرا پشکنین بۆ زیاتر لە  1945  کەس ئەنجامبدرێت و سوپاس بو خوا گشت پشکنینەکان نەرێنی دەرچوون، واتە بێجگە لە یەکەم توشبوو کەسیتر ھەڵگری ڤایرۆسەکە نەبوو".