مەودا میدیا-

لە رووداوێكی هاتووچۆدا له‌سه‌ر شه‌قامی سه‌ره‌كی سه‌یداوا له‌شاری رانیه‌ له‌نێوان دوو ئۆتۆمبیل یه‌كه‌میان له‌جۆری قه‌مه‌ره‌ سه‌نی و ئه‌وه‌ی تریان له‌ جۆری قه‌مه‌ره‌ جیتا شۆفێری یەکێک لە ئۆتۆمبێلەکان گیانی لەدەستدا.

‌لە راگەیەندراوێکدا ئەمڕۆ پۆلیسی راپەڕین رایگەیاند "لە رووداوێكی هاتووچۆدا له‌سه‌ر شه‌قامی سه‌ره‌كی سه‌یداوا له‌شاری رانیه‌ له‌نێوان دوو ئۆتۆمبیل یه‌كه‌میان له‌جۆری قه‌مه‌ره‌ سه‌نی و ئه‌وه‌ی تریان له‌ جۆری قه‌مه‌ره‌ جیتا شۆفێری ئۆتۆمبێلیی سه‌نی به‌ناوی ( ح،ق،ا ) له‌دایكبووی ساڵی 1974 له‌ رووداوه‌كه‌دا گیانی له‌ده‌ستدا".

ئاماژە بەوەشکراوە "له‌كاتی رووداوه‌كه‌دا دوو سه‌رنشینی تر له‌ئۆتۆمبێله‌ سه‌نیه‌كه‌دا برینداربوون و‌ له‌ نه‌خۆشخانه‌ چاره‌سه‌ری پێویستیان بۆ كراوه‌و ته‌ندروستیان جێگیره‌".

ئەوەشخراەتەڕوو "دوای ئه‌نجامدانی توێكاری پزیشكی بۆ ته‌رمی شۆفێری ئۆتۆمبێلی جۆری سه‌نی له‌ پزیشكی دادوه‌ری ڕانیه‌ ئه‌نجامدرا، ته‌رمه‌كه‌ی راده‌ستی كه‌سوكاری كرایه‌وه‌، هەروەها دۆسیه‌ی لێكۆڵینه‌وه‌ بۆ ڕوداوه‌كه‌ كرایه‌وه‌و شۆفێری ئۆتۆمبێلی جۆری جیتا به‌ناوی ( ه،ج،م) له‌دایكبووی 2002 كه‌ له‌ رووداوه‌كه‌ بریندار بوو دوای ئه‌وه‌ی چاره‌سه‌ری پێویستی له‌ نه‌خۆشخانه‌ بۆ كرا، له‌ ئێستادا ته‌ندروستی جێگیره‌ و به‌ بڕیاری دادوه‌ر به‌پێی ماده‌ی 24 له‌ یاسای هاتوچۆ ڕاگیراوه‌. لێكۆڵینه‌وه‌ له‌ رووداوه‌كه‌ به‌رده‌وامه"‌.