مەودا میدیا- هێمن سەعید

ئەمڕۆ شەممە، عەبدولفەتاح سیسی، سەرۆك كۆماری میسر رایگەیاند "دەولەتی میسر جارێكیتر بێئاگا نابێت و بەردەوام دەبێت لە پەرەپێدانی كار و ئەنجامدانی چاكسازی، وە ئەگەر بێئاگابێت ئەوا 100 ساڵ لەبەرەوپێشچون دوادەكەوێت".

عەبدولفەتاح سیسی،  وتیشی "میسریەكان رازی نابن بەوە، چونكە قورسە لە شوێنێكدا بژیت كە چاكسازی تێدانەكرێت".

سەرۆكی میسر ئاماژەی بەوەشكرد "ئاینی دەرەكی لە وڵاتدا لەژێر كۆنترۆڵدا دەمێنێتەوە، دەوڵەت زەرەرمەند دەبێت بە پاڵپشتیكردنی پرۆژەی دەرەكی، ئێستا بەتووندی كار دەكەین بۆ رێكخستنی ئاین لە وڵاتدا، پرسی چاكسازيش لەدۆسیەی بەنداوی نەهزە مەترسیدارترە".

شایەنی باسە، ئەولێدوانانەی سیسی لەكاتێكدایە چەندرۆژێكە دەوڵەت زۆر بەتوندی كەوتوەتە گیانی ئەندامانی سەربە ئیخوان موسیلمین و هەندێك لە سەركردەكانی گرتوون و بەشێكی زۆری ئەندامەكانیشی راپێچی زیندانەكانی وڵات كردووە.