مەودامیدیا-

وتەبێژی پۆلیسی کەرکوک رایگەیاند، شەوی رابردوو چەکدارانی داعش هێرشیانکردە سەر پێگەیەکی هێزێکی پۆلیسی فیدراڵی و بەهۆیەوە ئەفسەرێک کوژرا.

عامر نوری، وتەبێژی بەڕێوەبەرایەتیی پۆلیسی کەرکوک بە مەودا میدیای راگەیاند "شەوی رابردوو چەكدارانی داعش هێرشێكیان بۆ سەر هێزەكانی لیوای 11ی پۆلیسی فیدراڵی لە ناحیەی ریاز ئەنجامداوە و بەهۆیەوە ئەفسەرێک کوژراوە".

ماوەیەكە جموجوڵی چەکدارانی داعش بەتایبەت لە سنووری گوندەکانی کەرکوک و ئەو ناوچانەی بۆشایی ئەمنییان تێدایە تادێت زیاتر دەبن و زۆر جار هێرش دەکەنە سەر بنکە سەربازی و ئەمنییەکان.

ر.ر