مەودا میدیا- 
بەپێی وتەی یەكێك لە نوێنەرانی مامۆستایانی وانەبێژ سەرەتای هەفتەی داهاتوو مووچەی مامۆستایانی وانەبێژی هەرێمی كوردستان دابەش دەكرێت. 
 
عەلی رەئوف، نوێنەری مامۆستایانی وانەبێژ رایگەیاند "بەپێی زانیارییەكانیان كە لە وەزارەتی داراییەوە پێیاندراوە، رۆژانی یەكشەممە و دووشەممەی هەفتەی داهاتوو شایستە داراییەكانی مانگی 5ی مامۆستایانی وانەبێژی هەرێمی كوردستان دابەش دەكرێت". 
 
ئاماژەی بۆ ئەوەشكرد "بۆ تەواوكردنی رێكارەكانی گرێبەستی مامۆستایان پێویستیان بە كات هەیە بەلانی كەم تا 25ی ئەم مانگە دەخایێنێت، بۆیە پێدەچێت مووچەی مانگی 10 وەكو گرێبەست وەربگرن". 
 
بەگوێرەی ئاماری وەزارەتی دارایی و ئابووری هەرێم، 35 هەزار و 543 مامۆستای وانەبێژ لە هەرێمی كوردستان هەیە و ئێستا پارەی پێویست بۆ شایستە داراییەكانیان نزیكەی 13 ملیار و 700 ملیۆن دینارە، بەڵام دوای بەگرێبەستبوونیان مانگانە پێویستیان بە 18 ملیار دینار دەبێت. 
 ئ پ