مەودا میدیا-
تادێت ململانێی نێوان سودانی و مالیكی توندتر دەبێتەوە و چاودێرانیش پێیان وایە كە یەكێك لەو دوو كەسایەتییە رووبەڕووی شكستی گەورە دەبێتەوە.

رۆژنامەی شەرقل ئەوسەت بڵاویكردووەتەوە، مالیكی ئێستا بە تووندی رووبەڕووی سودانی بووەتەوە و دەیەوێت شكستی پێبهێنێت بە داڕشتنی یاسایەكی نوێ كە سەرۆكی حكومەت دادەماڵێت لە هەموو دەسەڵاتێك و بەكارهێنانی تواناكانی دەسەڵات لە هەڵبژاردندا.

ئاماژەی بۆ ئەوەشكردووە، مالیكی بیر لە دانانی كۆمەڵێك تەڵە دەكاتەوە بۆ سودانی، كە چاوی لە بەدەستهێنانی ویلایەتی دووەمی سەرۆكایەتیە و ئەگەرەكانی سەركەوتنی سودانیش بەسەر مالیكیدا زۆر زیاترە.

رۆژنامەكە باسی لەوەشكردووە، ئەو كەسانەی لە ماوەی دو دەیەی ڕابردودا لەگەڵ مالیكیدا كاریان كردوە، دەڵێن"مالیكی هونەرەكانی سیاسەت، زیاتر لە كەسانی دیكە فێربوە" بۆیە ئێستا نازانێت بە تەواوی چۆن ئیدارەی ئەو ململانێیە بدات كە دەستیپێكردووە. 
ئ پ