مه‌ودا میدیا-

گه‌نجێكى گه‌شتیار له‌ لەخەرەندی رواندز به‌ هۆى ئه‌وه‌ى جزدانه‌كه‌ى لێده‌كه‌وێته‌خواره‌وه‌ و به‌دوایدا ده‌ڕوات گیرده‌خوات و له‌ لایه‌ن تیمه‌كانى بەرگریی شارستانیی سۆرانه‌وه‌ رزگار ده‌كرێت.

بەرگریی شارستانیی سۆران بڵاویكردووه‌ته‌وه‌ "ئەمڕۆ سێشەممە ئاگادار کراینەوە کەوا گەشتیارێکی خەڵکی هەولێر، بەمەبەستی گەشت و سەیران رووی لەو ناوچەیە کردووە و لەخەرەندی رواندز گیریخواردووە".

راشیگه‌یاندووه‌ "بەهۆی مەترسی شوێنەکەوه‌، دوای ئاگادارکردنەوەمان تیمێک دەرچوون بۆ شوێنی رووداوه‌كه‌ و توانرا رزگار بکرێت".

بەرگریی شارستانیی سۆران ئاماژه‌ى به‌وه‌شكردووه‌ "ئەو کەسە بەهۆی کەوتنەخوارەوەی جزدانی پارەکەی دەچێتە خوارەوە و ناتوانێت لە شوێنەکە بێتە سەرەوە و گیردەخوات".

پ ح ع