مه‌ودا میدیا-

فراکسیۆنى پارتى لە پارێزگاى کەرکوک دواى ماوه‌یه‌ك له‌ باكۆتكردن، گه‌ڕایه‌وه‌ ئەنجومەنى پارێزگا و له‌ نووسینگەكه‌یان  ده‌ستیان به‌ ده‌وام كردەوە.

ئه‌مڕۆ سێشه‌ممه‌17ى ئه‌یلوولى 2024، هه‌ردوو ئەندامەکەی فراکسیۆنى پارتى دیموکراتى کوردستان لە ئەنجومەنى پارێزگاى کەرکوک گەڕانەوە باڵەخانەى ئه‌نجومه‌ن و له‌ نووسینگەیاندا ده‌وامیان كرد.

پارتى له‌ ئەنجومەنى پارێزگاى کەرکوک دوو ئەندامى هەیە، له‌ پاش ئه‌وه‌ى  لە 10ئابى 2024، له‌ كۆبوونه‌وه‌یه‌كدا پارێزگار و سەرۆکى ئەنجومەنى پارێزگاکە هه‌ڵبژێردرا، بایکۆتى کۆبوونەوەکانیان راگه‌یاند و نه‌ڕۆیشتنه‌وه‌ باڵەخانەى ئەنجومەن و ده‌وامیان نه‌كرد.

هاوكات، بەرەى تورکمانى و هاوپەیمانیی عەرەبییش سکاڵایان  لە دادگاى فیدڕاڵیى عیراق دژ به‌ کۆبوونەوەکەى 10ئابى ئه‌مساڵ تۆمارکردووە و داوا ده‌كه‌ن بڕیارەکان هه‌ڵبوه‌شێندرێته‌وه‌، بەڵام پارتى بە بێدەنگى بایکۆتى کۆبوونەوەکانى ئەنجومەنه‌كه‌ى کردبوو.

پ ح ع