مه‌ودا میدیا-

به‌ڕێوه‌به‌رى گشتیی بازرگانى هه‌رێم رایده‌گه‌یه‌نێت، ئه‌م هه‌فته‌یه‌ ده‌ست به‌دابه‌شكردنى به‌شه‌خۆراكى مانگى هه‌شت ده‌كرێت.

نه‌وزاد شێخ كامیل، به‌ڕێوه‌به‌رى گشتیی بازرگانى هه‌رێم به‌ مه‌ودا میدیاى راگه‌یاند "سه‌رجه‌م مادده‌كانى به‌شه‌خۆراك بۆ مانگى هه‌شت هاتوونه‌ته‌ هه‌رێمى كوردستان و له‌ كۆگاكان هه‌ڵگیراون".

باسى له‌وه‌شكرد "له‌ دوو رۆژى داهاتوو ماشیش وه‌ك مادده‌یه‌كى به‌شه‌خۆراك كه‌ زیادكراوه‌ به‌ده‌ستمان ده‌گات و هه‌ر ئه‌م هه‌فته‌یه‌ ده‌ست به‌دابه‌شكردنى به‌شه‌ خۆراكى مانگى هه‌شت ده‌كه‌ین".

وتیشى "مانگانه‌ یان ماش و نیسك دابه‌ش ده‌كرێت، یان ماش و له‌تكه‌نۆك، بۆ هه‌ر كه‌سێكیش نیوكیلۆ ماشى پێده‌درێت".

ع