مه‌ودا میدیا-

شاره‌زایه‌كى بوارى كه‌شوهه‌وا له‌ عیراق رایگه‌یاند، یەکەم شەپۆلی بارانبارینی وەرزی پاییز لە عیراق له‌هه‌فته‌ی داهاتوه‌وه‌ ده‌ستپێده‌كات و بۆ ماوەی ٤٨ کاتژمێر بەردەوام دەبێت.

وەسیق سەلامی، كه‌شناسی عیراقى رایگه‌یاند "یەکەم نیشانەکانی شەپۆلی بارانبارینی داهاتوو لە هەینی داهاتوودا دەردەکەوێت و با دەگۆڕێت بۆ باشوری رۆژهەڵات، دواتر باران بارین لەڕۆژانی شەممە و یەکشەممە دەستپێدەکات و بۆ ماوەی 48 کاتژمێر بەردەوام دەبێت".

ئاماژەی بەوەشکرد "هەندێک ناوچە بارانبارینێکی زۆر بەخۆوە دەبینێت، بەتایبەتی لە باکور و باکوری رۆژهەڵاتی عیراق. هەندێک ناوچەی باشووریش بارانێکی بەخوڕ بەخۆیەوە دەبینێت".

له‌ ئێستادا تا راده‌یه‌ك شه‌پۆلى باران بارین جێگیربووه‌ و به‌ڕێژه‌یه‌كى كه‌م له‌ رۆژى شه‌ممه‌ و به‌ڕێژه‌یه‌كى زۆر باش له‌ رۆژى یه‌كشه‌ممه‌ى داهاتوو باران ده‌بارێت.

ع