مەودا میدیا-

برایەكی مەلا كرێكار لەسەر زاری پارێزەرە نەرویجییەكەی مەلا كرێكار بڵاویكردەوە، رۆژی سێی ئەم مانگە لە ئیتالیا مەلا كرێكار دادگایی دەكرێت، باسیشی لە گواستنەوەی كردووە بۆ دوورگەیەكی ئیتالیا.

خالد رەنجدەر، برای مەلا كرێكار كە لە نەرویج دەژی، لە پەیجی تایبەتی خۆی لە تۆڕی كۆمەڵایەتيی فەیسبووك نووسیویەتی "ماوەیەک لەمەوبەر مامۆستا کرێکاریان لە زیندانی ریبیبیکا لە رۆماوە گواستووەتەوە بۆ دوورگەی سیسلیە یان صقلیە لە باشووری ئیتالیا".

باسی لەوەشكردووە "بەپێی زانیارییەکانی برینیار مێلینگی، پارێزەرە نەرویجییەکەی مامۆستا کرێکار رۆژی 3ی تەمموز، لە ئیتالیا دادگایی دەکرێت".