مەودا میدیا-

هاوسەرۆكی پارتی دیموكراتی گەلان ناسراو بە هەدەپە لە بارەی هەڵبژاردنەكانی توركیاوە رایگەیاند، پارتی دەسەڵاتدار بە دانانی پارێزەری خۆیان لەسەر سندوقەكانی دەنگدان، ئاسایشی هەڵبژاردنەكان دەخەنە مەترسییەوە.

سەلاحەدین دەمیرتاش، هاوسەرۆكی پارتی دیموكراتی گەلان هەدەپە لە زیندانی ئەدرنەوە رایگەیاند "بوونی دەسەڵاتی دادوەری و یاسادانان لەدەستی كەسێكدا و ئەو گەڵاڵەیەی كە لە پەرلەمانەوە كراوە بە ویستی پارتی دەسەڵاتدار، باش نییە و كاریگەری خراپی لەسەر هەڵبژاردنەكان دەبێت".

وتوشیەتی "دانانی پارێزەران بۆ سەر سندوقەكانی دەنگدان و كۆنترۆڵكردنیان لە لایەن پارێزەرانی نزیك لە پارتی دەسەڵاتدار كە مەبەست لێی پارتی داد و گەشەپێدانی رەجەب تەیب ئەردۆغانە، ئاسایشی هەڵبژاردنەكان دەخەنە مەترسییەوە".

باسی لەوەشكردووە "ئەو دەسەڵاتەی ئێستا كاتییەو یاساكەش دوای چونی پارتی داد و گەشەپێدان دەگۆڕدرێت".

ه،ع