مه‌ودا میدیا-

ئێواره‌ى ئه‌مڕۆ یه‌كشه‌ممه‌، ره‌شه‌بایه‌كى به‌هێزى سنورى سلێمانى و شاره‌زوورى گرته‌وه‌ و به‌هۆیه‌وه‌ زیانى به‌ تاوه‌ره‌كانى كاره‌با گه‌یاندووه‌.

ئەندازیار سامان سابیر، بەڕێوەبەری گواستنەوەی وزەی کارەبای سلێمانی رایگەیاند "به‌هۆى ئه‌و ره‌شه‌بایه‌ى ئه‌مڕۆ یه‌كشه‌ممه‌، زیان به‌ تۆڕه‌كانى كاره‌با و تاوه‌ره‌كان گه‌یشتووه‌ و چه‌ند تاوه‌رێكى كاره‌با خستووه‌".

باسى له‌وه‌شكرد "له‌ سنورى شاره‌زوور و سه‌یدسادق چه‌ند تاوه‌رێك كه‌وتوون به‌ڵام ئەو کێشەیە نەبووه‌تە هۆی بڕینی كارەبای ناوچه‌كه‌".

وتیشى "سبەینێ تیمەکانی بەشی چاکسازیی هێڵەکانی بەڕێوەبەراییەتیمان دەچنە ناوچەکە  بۆ کۆکردنەوەی تەلەکان و لە ئایندەشدا بەرنامەی چارەسەرکردنی کێشەکە دادەنێن".

ع،ه