مه‌ودا میدیا-

ئاماری سلێمانی ده‌ستده‌كات به‌ وه‌رگرتنه‌وه‌ى تابلێتەكانیان له‌ كارمه‌ندانى به‌شدار لە پڕۆسەی سەرژمێریی گشتیی دانیشتووان و ده‌شڵێت "ئەم پڕۆسەیە کارئاسانی تەواو دەکات بۆ رۆژی دابەشکردنی مووچە".

لە راگەیەنراوێكدا بەڕێوەبەرایەتیی ئاماری سلێمانی بڵاویكردووه‌ته‌وه‌ "لە رێکەوتی 5/1/2025 دەستدەکرێتەوە بە وەرگرتنەوەی تابلێت و پێداویستییەکانی سەرژمێری لە بەرێزان کارمەندانی سەرژمێری (مدیر و معاون و بژمێر) لە پارێزگای سلێمانی و قەزا و ئیدارە سەربەخۆکان".

ئه‌وه‌شى خستووه‌ته‌ڕوو "تایبەت بە بژمێرانی قەزای بازیان تابلێت وەردەگیرێتەوە لە ناوەندی سلێمانی بەڕێوبەرایەتیی ئاماری سلێمانی".

روونیشیكردووه‌ته‌وه‌ "پڕۆسەکە رۆژانە لە کاتژێر 9ی بەیانی تاوه‌کو 3ی پاشنیوەڕۆ بەردەوام دەبێت و ئەم پڕۆسەیە لە ئێستادا کارئاسانی تەواو دەکات بۆ رۆژی دابەشکردنی مووچە".

پ ح ع